အပြည်ပြည်ဆိုင်ရာ အလုပ်သမားနေ့ @2026
မေလ (၁) ရက်နေ့တွင် ကျရောက်သည့် အပြည်ပြည်ဆိုင်ရာ အလုပ်သမားနေ့ကို ကမ္ဘာ့အလုပ်သမားနေ့ကို ကြိုဆိုဂုဏ်ပြုသောအားဖြင့် Proven Group of Companies ၏ ညီနောင်ကုမ္ပဏီများဖြစ်ကြသော Proven Technology Industry Co., Ltd နှင့် Proven Poly World Industry Co., Ltd တို့ အပြင် ယခုနှစ်တွင် Yangon Metal Industry Co., Ltd တို့ပါပူးပေါင်း၍ ၂၀၂၆ ခုနှစ်၊ မေလ (၁)ရက်နေ့ ၊ နံနက် (၉:၃၀) နာရီအချိန်တွင် တာမွေမြို့ အလုပ်သမားဆေးရုံနှင့် ရန်ကုန်ပြည်သူ့ဆေးရုံ (ကုတင် – ၅၀၀) တို့အပြင် ယခုနှစ်တွင် ရန်ကုန် အထွေထွေရောဂါကု ဆေးရုံသစ်ကြီး (ဂျပန်ဆေးရုံ) တို့တွင် ဆေးကုသမှုခံယူလျက်ရှိသော အလုပ်သမားများ၊ ဝန်ထမ်းမိသားစုများ၊ လူနာများ၊ လူနာစောင့်များအတွက် လူဦးရေ (၉၀၀)ဦးစာ အာဟာရဒါန (နေ့လယ်စာ) လှူဒါန်းခြင်းကို ဂုဏ်ယူဝမ်းမြောက်စွာ ပြုလုပ်ခဲ့ပါသည်။
Proven Group of Companies သည် တစ်နှစ်ထက်တစ်နှစ် CSR လူမှုအကျိုးပြုလုပ်ငန်းများကို ဆထက်တပိုး ပိုမိုကောင်းမွန်အောင် နှစ်စဉ် အစီအစဉ်များ စနစ်တကျရေးဆွဲ၍ ဆောင်ရွက်လာခဲ့ရာမှ အပြည်ပြည်ဆိုင်ရာ အလုပ်သမားနေ့တွင် အာဟာရဒါနလှူဒါန်းခြင်းအစီအစဉ်ကို ရန်ကုန်တွင် (၃) ကြိမ်မြောက် ကျင်းပနိုင်ခဲ့ခြင်းဖြစ်သည့်အပြင် အလုပ်သမားမိသားစုများနှင့် ဝန်ထမ်းများအတွက် ငွေပဒေသပင်အထွေထွေအသုံးစရိတ်ကိုပါ ထောက်ပံ့ခြင်းလုပ်ငန်းများကို ထပ်တိုး ဆောင်ရွက်ခဲ့ပါသည်။
အဖက်ဖက်မှ ဝိုင်းဝန်းကူညီအားဖြည့်ပေးကြသည့် တစ်ယောက်စီတိုင်းကို ကျေးဇူးအထူးပင်တင်ရှိပါသည်။
